News in Papiamento

Colegio E.P.I. Sector di Hospitalidad & Turismo den cooperación cu EPB, Aruba Tourism Authority, Aruba Hotel and Tourism Association y tambe Aruba Gastronomic Association, ta den full preparación cu e organización di e proximo “Aruba Internacional Student Culinary Expo 2008”. E evento, lo tin como meta principal pa trece studiantenan tanto local como internacional hunto y asina expone nan expertisio den e ramo culinario. E comisión rganizador ta kere firmemente den incentiva nos hubentud especialmente den e sector turistico, kendenan lo ta e futuro profesionalnan den e industria aki. E skolnan cu lo participa na e evento aki ta  EPI y EPB(Aruba), FEFFIK(Curacao), SBO(Bonaire).

E programa oficial lo inicia dia 16 di Maart, 2008, na unda lo bay tin e apertura Oficial den e Collegezaal di E.P.I.. Después lo sigi un sesion di orientation y tambe lo bay tin unguest speaker, kende lo bay conversa encuanto di e industria aki y e beneficionan cu esaki ta trece cu ne. Después lo sigi cu e competencianan y tambe workshops. Durante ora di anochi, Aruba Tourism Authority & Aruba Hotel and Tourism Association lo organiza un recepcion di bon bini na honor di tur e studiantenan, nan mentornan, e huradonan internacional como tambe medionan di prensa tanto local como internacional. E huradonan internacional, lo ta Chef nan reconoci di e American Culinary Federation kendenan lo ta responsable pa saka e equipo ganador den e diferente categorianan.

E programa lo continua dia 17 di Maart cu otro dia di competencia y workshop. Después di esaki e studiantenan lo disfruta di un paseo cortico rond di Aruba pa asina yudanan kita un tiki di e tension di e competencia den un ambiente ameno. Durante parti di atardi, e grupo completo di studiante lo bay hasi un Back Of The House Tour & Dinner, cual lo encera tira un vista den e cushina na algun restaurant cu ta miembro di Aruba Gastronomic Association. Meta di esaki ta pa asina logra haña un impresión di con un cushina di un top restaurant na Aruba ta funciona. E atardi lo culmina cu un cena pa henter e grupo.

E dia importante pa tanto e alumnonan como tambe tur persona cu ta gusta purba bon cuminda, lo bira dia 18 di Maart, na unda for di 12:00 -5:00 PM, e studiantenan lo tin e oportunidad pa expone nan platonan na tur presente. Tambe lo bai tin diferente tipo di entretenimiento y e oportunidad di cumpra cuminda y bebida, en connecion cu e dia nacional aki, mezclando un tiki di nos cultura cu nos hubentud. E Culinary EXPO aki lo tuma lugar ariba e patio amplio di EPI Hospitalidad y Turismo. Esnan interesa pa tin un tent pa ofrecde na publico nan productonan ta mas cu bon bini pa participa.

Ariba e mesun dia aki, for di  8:00 PM en adelante, lo bay tin e grandioso “Awards Night” cual lo carga e nomber “A taste of Aruba” na unda publico en general por bin presencia e resultadonan di e competencia y wak cua equipo lo bira ganador absoluto di e grandioso premio cual ta e participación na e National Convention di e American Culinary Federation cu lo tuma lugar e aña aki na Las Vegas, Nevada. Pa yuda recauda fondo pa yuda e equipo ganador y continua cu e tremendo competencia aki, lo bende ticket di entrada pa e “Awards Night” na un valor di Afls 50,- p/p. Durante e anochi aki lo por disfruta di bebida y di diferente platonan ofreci pa entre otro e diferente prestigioso restaurant miembronan di Aruba Gastronomic Association.

E comisión organizador kier a tuma e oportunidad tambe pa gradici Tiarra Air, cu e prijs special cu nan a ofrece na e participantenan internacional, tambe na The Mill Resort, kende ta contribui cu e kambernan pa e huradonan di American Culinary Federation cu lo supervisa e competencia, y tambe e prensa local y internacional. Tambe un palabra di danki na Aruba Adventures cu nan Kookukunukoo Bus y tambe e gerencia di Coconut Inn, kende a ofrece un prijs hopi special na tur e studiantenan y nan familiaresnan.

Un biaha mas Colegio EPI, EPB, Aruba Tourism Authority, Aruba Hotel and Tourism Association y tambe Aruba Gastronomic Association kier tambe gradici un y tur cu te awor a duna nan aporte pa cu e evento aki.  Pa por hasi un evento di tal magnitud naturalmente ta rekeri e coperacion di industria en general. Pa e motibo aki si tin cualkier compania of organizacion cu kier contribui of aporta na e futuro generacion di nos industria di hospitalidad y turismo, of cu kier ricibi cualkier información di e evento, por tuma contacto libremente cu Sr. Ryan Maduro, Opleidingsmanager na EPI unidad Hospitalidad y Turismo na telefon 5258713, 5624924, of na e-mail rmaduro.epi@hotmail.com of aisce2008@hotmail.com

Recientemente a wordo honra na Casa del Mar Beach Resort; e pareha Hugh y Ruth MacKenzie, e senjora Doris Harreman cu e titulo di Embahador di Bon Boluntad, como cu nan ta bishitando nos isla pa mas di 20 anja consecutivo.

E pareha i e senjora aki ta bishitando nos isla desde anja 1978, durante e anja nan a invita hopi mas di nan amigonan pa bin bishita nos isla pa bin pasa nan vacacion.

Maritza Tromp Lacle di Aruba Tourism Authority a entrega nan e certificadonan y alavez a felicita nan & tambe a gradici nan pa nan lealtad demostra na nos isla pa asina hopi anja. Durante e ceremonia tawata presente Anthony Maduro, di Casa del Mar.

E motibonan principal pakiko nan ta asina fiel na nos isla ta pa; e clima, nos hendenan carinjoso; e hotel Casa del Mar, e variedad di cuminda bon cu Aruba ta ofrese, e dama nan ki ta bin Aruba tur anja pa cumpra joyas i nan ta hanja bon oferta na Aruba.

Recientemente a wordo honra na Paradise Beach Villas e pareha; Stanley & Joanne Martin como bishitante distingui di nos isla como cu nan ta bishitando nos isla pa mas di 10 anja consecutivo.

Na anja 1989 e pareha Martin a bishita Aruba pa prome biaha, i a dicidi di cumpra un time share na Paradise Beach Villas pa asina nan tin tur anja nan estadia na Aruba sigura.

Maritza Tromp Lacle di Aruba Tourism Authority a entrega e certificado y alavez a felicita nan & tambe a gradici nan pa nan lealtad demostra na nos isla pa asina hopi anja.

E motibonan principal pakiko nan ta bishitando nos isla tur anja fielmente ta: pe clima agradable, beachnan precioso, e hospitalidad di nos hendenan, i e dushi platonan cu e restaurant nan na Aruba ta ofrese.

Durante e ceremonia tawata presente: Kim, Wiebe i Eleonora stagiaires nan di A.T.A. i tambe Bianca Ali, di Paradise Beach Villas.

Recientemente Aruba Tourism Authority tawata presente na Aruba Beach Club pa asina reconoce Sr. y Sra. Cooper como huésped nan distingui pa e isla di Aruba, kende nan tin 10 ana bishitando nos isla. Na. Nan keda sumamente contento cu e reconocimento aki ya cu Aruba Beach Club ta manera nan segundo kas, mientras cu e staff di e hotel kende nan conoce pa hopi tempo caba ta manera nan famia na Aruba.

Durante e ceremonia, Sra. Nathalie Maduro, PR. Liaison pa Aruba Tourism Authority a hasi entrega di e certificado nan den nomber di Gobierno di Aruba pa su sostén pa cu Aruba den presencia di Sra. Izaira Pirela, Activities Coordinator pa Aruba Beach y tambe un amigo di e pareha . Un pabien na Sr. y Sra. Cooper.

Nan a keda sumamente contento cu e reconocimento

Recientemente a wordo honra na Renaissance Resort Ocean Suites; William & Pamela Patterson, como Bishitante distingui di Aruba, pa es motibo di ta bishitando Aruba pa mas di 10 anja consecutivo.
Maritza Tromp Lacle di Aruba Tourism Authority a entrega nan e certificado y a felicita nan & tambe a gradici nan pa nan lealtad demostra na nos isla pa asina hopi anja.

E Pareha Patterson a bishita Aruba pa prome biaha na anja 1996 i a keda encanta cu nos isla i a cumpra nan time share na Renaissance.
E motibonan principal pakiko nan ta asina fiel na nos isla ta pa nos hendenan carinjoso, e seguridad, pa huy di e friew i naturalmente pa disfruta tur anja di un vacacion caluoroso i sigur.

Presente na e ceremonia tawata Linda Garcia, di concierge desk, Yuraima di Fronto office, Adelis Codet di Security.

Oranjestad,- Recientemente Aruba Tourism Authority a honra Sr. John y Sra. Janice Lanpher como huésped nan distingui pa e isla di Aruba, kende nan tin 15 ana bishitando nos isla. Na e mesun momento.

Nan a conta cu 15 ana pasa na momento cu nan a yega Aruba pa prome biaha, nan a dicidi di inverti den un timeshare resort y nan a escoje pa Divi Village. Nan a keda sumamente contento cu e reconocimento aki y alaves a expresa cu Aruba su hendenan, e klima y e trankilidad cu ta reina ta loke ta pone bolbe. E trip pa Aruba ta nan “get away” pa asina nan pasa algun dia hunto.

Sra. Nathalie Maduro, PR. Liaison pa Aruba Tourism Authority a hasi entrega di e certificado nan den presencia di Sra. Hilda, Activities Coordinator pa Divi Village, den nomber di Gobierno di Aruba pa nan sostén na e turismo di Aruba.

Recientemente tabata na nos Isla invita door di Aruba Tourism Authority Sra. Diane Slawich freelancer pa e corant Di Canada Toronto News. Diane ta un reportera cu hopi experencia y tambe cu a biaha rond mundo hacienda promocion

Pa diferente corantnan y revistanan na Canada. Diane ta remarca cu e Isla di Aruba tin hopi potencial y a keda masha Impresiona di e manera cu e Arubianonan ta celebra e dia di Himno y bandera. Sr. Ricardo Croes a keda encarga cu

E prensa aki y a coordina un programa pa cubri mas tanto possible di tur nos productonan akin a Aruba, door cu nos Isla lo haya 3 x pagina di cobertura den e corant Toronto News. Nos a wordu invita specialmente door di Daisyree Croes na Museo di herencia na Dakota y tambe nos a pasa un rato na Parke Nacional Arikok.

Dia di himno y bandera tambe Sra. Diane a bishita hopi lugarnan cu atraccionan di cultura y tabata hopi interesa den nos musica y folklore. Ariba e potret por aprecia Sra. Daisyree Croes di Museo di Herencia y Numasmatico y tambe Sr. Rambo di Parke Nacional Arikok.

“Esaki ta representa un bon oportunidad mirando e circulacion di “Interval World Readers”

Oranjestad,– Recientemente tawata di bishita na Aruba Sra. Suzanne Carmel, kende ta scirbi pa un revista sumamente conoci den e mundo di propiedadnan di timeshare, esta “Interval World Readers”.

E revista aki tin un circulación di aproximadamente un million na Merca so, como tambe miles den e area di Europa. Aruba Tourism Authority, na momento cu a ricibi e petición di e editora pa bishita nos isla, a mira e oportunidad pa promove Aruba den e revista aki. Finalmente a keda confirma cu nos isla lo ricibi un cobertura di cinco pagina, cual lo encera un cantidad di informacion general como tambe e diferente actividad nan cu tin disponibel.

Sjeidy Feliciano, Relacionista Publico pa ATA tabata encarga cu e periodista y cu e coordinación completo di su programa. Pa asegura cu e editora a logra cubri tur cos, un programa intensivo di tres dia a wordo prepara pa asina Suzanne por haya un impresión completo di tur loke tin di hasi na Aruba. E periodista a hospeda na e prestigioso Aruba Marriott Resort & Stellaris Casino na unda cu tambe e la haya e oportunidad di disfruta di un massage relahante na Mandara Spa.

E parti culinario tambe a wordo cubri na unda cu e periodista a haya e oportunidad di disfruta di un variacion di cuminda cu ta wordo ofreci rond di nos isla. E restaurantnan cu a wordo bishita tawata Papiamento Restaurant, Moomba Beach Restaurant, Pincho’s Bar & Grill y tambe Rumba Restaurant.

Alaves a duna atención na e diverso actividadnan den e itinerario manera entre otro bishita na museo historico na unda cu Suzanne a sina un tiki mas di nos historia y nos antepasadonan. Tambe e la haña e oportunidad di hasi e tan popular Seatrek ariba De Palm Island y por ultimo e la “hike” den compania di e conocido, Sr. Eddie Croes di Nature Sensitive hiking tours, na unda ela conoce un tiki di Aruba su flora y fauna y por a hasi tur tipo di pregunta encuanto di esaki nan.

Suzanne a keda sumamente contento cu e atención brinda y tambe cu Aruba y pa medio di esaki tambe, Direccion di Turismo kier a extende un danki na tur esnan cu a juda den un manera of otro pa hasi e bishita aki uno hopi placentero y fructifero.

Recientemente na Bucuti Beach Resort a wordo honra como bishitante distingui pa e isla di Aruba, Sr. Dave y Sra. Merge Renken. E pareha aki ta originalmente for di e estado di Connecticut y ta bishitando Aruba for di aña 2005. Nan ta encanta cu e isla di Aruba principalmente pa e hendenan amabel y servicial. Sr. Dave ta conta con e la wak e isla aki desarolla turisticamente den transcurso di ananan y ta contento di a forma parti di esaki.

Desde nan prome bishita semper e pareha aki a hospeda den e area di low rise, nan a yega di hospeda na casi tur hotel cu ta situa riba Eagle Beach. Nan a asegura cu nan lo sigui bishita Aruba pa hopi ana mas paso semper nan a sinti nan na nan gusto. Presente na e acto di entregamento di certificado tawata Sra. Deborah Dintelman, Resort Manager di Bucuti Beach Resort y Sjeidy Feliciano di direcion di turismo di Aruba.