News in Papiamento

Tres siman pasa e media na Aruba a notifica di e realizacion di e Stichting nobo aki SEZ. Den e sentido mas amplio, nos ta fungi como steunpunt y vangnet pa e Hulandes Caribense. Atraves di su red SEZ hunto cu Stinafo a crea un oportunidad unico pa Aruba.

Stinafo ta un stichting activo y renombra na Hulanda y Corsow. E Stichting ta duna ajudo na muchanan y hobennan cu ta incapacita of cu tin enfermedadnan cronico. Stinafo no tin subsidie pa su trabou, ta depende di donacion. Stinafo ta juda muchanan cu no ta hanja judanza di otro parti. No ta hasi distincion di e incapacidad of limitacion. Fisica, mental of multiple incapacita, of muchanan cu enfermedadnan cronico, tur por conta ariba un ajudo.

(more…)

ART TALKS ARUBA

INTRODUCCION

Orador invita Sr. Paco Barragán lo wordo introduci pa Elvis López. Barrgán lo conversa over di su experencianan como Critico Den e Mundo di Arte, Curador Freelance, Feria di Arte, Director y Broker di Cultura y e lo duna un vision di e Mundo di Arte Contemporaneo Internacional.

CONTENIDO

1. INSTITUCIONAN DI ARTE MANERA CENTRONAN DI ENTRENIMIENTO URBANO (UEC)
- Institucionnan di Arte den e Experencia Economico
- E era di e Bienal: 1990 – 2000
- E era di e Feria di Arte: 2000 – 2008
- Actualidad di: Feriamento di e Bienalnan y Bienallisacion di e Ferianan di Arte
- En busca di un Modelo Nobo?

(more…)

Diaranson anochi e Show di Circo Latino a deleita bishitantenan y esnan haciendo compras na e Palm Beach Plaza Mall cu un mescla di baile, pantomima, acrobacia y comedornan di candela, tumando luga riba e scenario cu ta situa den curason di e plaza. Un grupo di 9 artista talentoso, dos di nan riba stilts, bisti cu makiyahe y disfrasnan creative, a conta e storia di un mucha muhe hoben cu ta wordo transforma den un prinses apesar di e oposicion di un bruho malo cu ta scupi candela.

E spectaculo magico, den cual e bunita prinses ta gana su corona, tabatin e hobennan den e publico completamente deleita, cu nan bista pega riba e scenario, mientras cu e adultonan tabata operando e camaranan cu gran entusiasmo.

(more…)

Personal di seguridad di un hotel local a mustra interes den e productonan di adapted happy wheels Aruba, pero door di e responsabilidad halto pa cu su guestnan a dicidi di hasi diferente prueba pa determina si esakinan ta stabil, resistente y sigur. Despues di purbanan a keda demostra cu tur ta di calidad halto, door cu nan ta traha cu material resistente pa por garantisanan pa temporada largo. Productonan di ROLL-A-RAMP, MOBI-MAT, Y MOBI – CHAIR, lo ta parti di expo DESTINATION IMNOVATION, organisa pa e camara di comercio di Aruba, cu lo tuma lugar dia 27 y 28 di Mei na Renaissance Covention Center.

(more…)

Dialuna ultimo Aruba a ricibi un grupo di 20 cheerleaders di ‘New York Jets Flight Crew’ kende a escohe Aruba pa hasi nan photo shoot pa nan kalender 2011/2012. Durante un siman nan lo saca potret na Radisson Aruba Resort, cual ta nan hotel anfitrion. Nan lo ta sacando potret na varios scenarionan turistico y unico di nos isla. Esaki sigur ta un oportunidad grandi pa demostra e bunitesa di Aruba den exterior. ‘New York Jets Flight Crew Cheerleaders’ y nan crew a yega Aruba cu Jetblue Getaways kende a trecenan den un avion ‘branded’ cu e logo di NY Jets. Esaki a hasi un impacto na Aeropuerto Internacional Reina Beatrix na momento di yegada.

(more…)

Cu e meta pa reuni cu socionan den turismo

E mercado di Europa ta un mercado importante pa Aruba. E mercado a mira un crecemento di 1.4% di bishitante na aña 2010 y a conoce un crecemento di 13.2% den e prome lunanan di 2011. Siman pasa un delegacion di ATA, consistiendo di Sra. Ronella Tjin Asjoe – Croes y Sra. Sanju Luidens – Daryanani, CEO y CMO di ATA, a biaha pa Europa pa asina aki topa cu esnan encarga na ATA Europa pa promove Aruba y tambe partnersnan. E obhetivo tawata pa discuti e progreso di e independisacion, revisa e cambionan y plan di accion pa resto di 2011 y pa defini strategia pa cu 2012, mirando cu plannan y presupuesto mester ta cla pa September 2011.

(more…)

Comite di Turismo di Parlamento recientemente a bishita Aruba Tourism Authority pa promer biaha na unda cu nan a wordo ricibi pa ehecutivonan di ATA & Presidente di Junta di Comisario, Sr. Jossy Lacle.

E encuentro aki tawata den un forma di introduccion na unda cu Sra. Ronella Tjin Asjoe-Croes, CEO, conhuntamente cu Sra. Sanju Luidens-Daryanani, CMO, y Sr. Dylan Calister, CFO, a duna un presentacion. Tambe tawata presente Sra. Zuleyma Frigerio, Manager HR & Change, y Sra. Melanie Evans-Kelly, Manager Strategy Planning & Research.

(more…)

Tur hende tin nan mes un storia pa conta, un ta importa si esei ta basa riba realidad, ficcion o fantasia. Nos kier tende cu mucho gusto bo storia! Pues participa y bin conta bo storia riba un manera creativo

Artistanan duo Arnar Asgeirsson y Stirmir Gudmundsson ta bai duna dos workshops pareu na unda contamento di storia ta e parti di mas importante y ta bin na vigor.

Nan pais di unda nan ta origina ta IJsland, un isla volcanico situa den e parti noord di Oceano Atlantico, yen di storianan mytico di antano di personahenan sobrenatural y cuentanan di vikingonan loco a forma den e convivencia di e isla chikito aki e pais cu e ta awe.

(more…)

Chef nan di Aruba a sobresali na California

Aruba Tourism Authority ta orguyoso pa informa cu Aruba tawata un di e sponsor nan na e di 4 edicion di Pebble Beach Food & Wine Festival cual a tuma lugar na “Carmel by the Sea” na California. E evento prestigioso aki ta celebra lo mihor den e mundo culinario y ta conta cu 75 chef-kok y 250 sorto di biña cual ta wordo presenta na diferente almuerzo, cena, demostracion di cushinamento y eventonan di “wine tasting”.

(more…)

Participacion di Aruba
Aña pasa productornan di e cine ‘The Greatest Movie Ever Sold’ tawata na Aruba pa asina aki filma ariba e beach di Hyatt. Hyatt International tawata un di e sponsor nan di e cine y a escoge Hyatt Regency Aruba Resort & Casino pa promove Aruba como e mihor destinacion y como e mihor hotel den Caribe. Algun hende local cu a aparenta den e cine ta Sr. Frits Israel cual tawata fungi como e director di mercadeo pa ATA, adicionalment Sr. Jim Hepple, Presidente y CEO di AHATA y Sra. Suzy Santiago e general manager anterior di Hyatt Regency Aruba Resort & Casino.

(more…)