Recientemente Sr. Bob y Sra. Judy Killmer a wordo honra na Divi Vilage como Embahadornan di bon boluntad pa e isla di Aruba. E pareha aki ta originalmente for di Michigan y ta bishitando Aruba for di aña 1986. Nan ta hospeda tur aña pa 3 siman na Aruba na unda cu nan ta sinti nan mes na nan cas. Ta di remarca cu Sr. y Sra. Killmer tin un lazo hopi especial cu un grupo di empleadonan na Divi Resorts, na unda cu tur aña nan ta competi cu otro ariba un nivel deportivo.

E pareha aki a comenta cu e motibo principal cu nan ta regresa ta pa nos hendenan amabel y e bon trato cu nan ta haya y cu den transcurso di tempo nunca a cambia. E certificado a wordo entrega den compania di nan amigonan di Divi Resorts cual ta Sr. Gerrith Griffith, Sra. Virginia Thijsen, Sr. Nino Croes y Sr. Allan Thomson. E acto oficial di entrega a wordo hasi door di Sjeidy Feliciano di oficina di turismo di Aruba.

Recientemente na La Cabana Beach & Racquet Club, un grupo di turista a wordo honra como bishitantenan distingui pa e isla di Aruba. E grupo aki ta origina for di Estados Unidos y ta bin for di estado di Florida y New York.

E grupo aki ta consisti di: Sr. Donald & Sra. Donna Kane, Sr. Bob & Sra. Carole Levanti, Sr. Jim & Sra. Arlene Martley. E grupo aki a comenta cu Aruba ta nan di dos cas y un di e motibonan pa cual nan ta bin bek tur aña ta pa nos hendenan amabel, hospitalario y tambe pa e seguridad cu ta reina na e pida baranca aki y sin laga afor e clima perfecto. Aruba ta un destinacion perfecto pa descansa y relaha.

Presente durante e acto di entrega tawata, Sra. Helen Werleman, Executive Administrative assitant to the general manager di La Cabana Beach & Racquet Club y Sjeidy Feliciano, respresentante di oficina di turismo di Aruba.

Type News Lead here…

Recientemente tabata na Aruba pa filma nan di dos episodio e grupo di filmacion di Los Angeles California
House Hunters. E episodio number uno cu a wordu graba aña pasa na 2006 a wordu transmiti February 09, di e aña aki via HGTV pa esnan cu ta disfruta di Direct TV.

E programa aki ta encera un pareja extranjero cu ta desea di cumpra un cas aki na Aruba, den e caso aki un pareja hopo popular na Merca na persona di Sr. Leonitt & Adriana Kozlovs cu ta cosechando hopo éxito na Braodway na New York desde añanan 70 den Balett Clasico. Pronto House Hunters lo ta back na Aruba pa finalisa e di dos episodio cu lo wordu transmiti otro aña na February 2008.

E grupo aki a wordu coordina door di Sr. Ricardo Croes di ATA di cual tambe a labora cu nan durante full e siman. E productora Sra. Kathleen Archer di Holywood California tabata encarga cu e grupo di filmacion aki junto cu Bruce & Dan ariba camera y zonido.

E promer premio di $774,960 di e UltimateBet 2006 Aruba Poker Classic a wordu gana pa e futuro estrella di Poker Devon Miller

Oranjestad, — UltimateBet’s 2006 Aruba Poker Classic a tuma lugar na Aruba for di 23 di September pa 1 di October 2006, na Radisson Aruba Resort & Casino. E torneo di un million di dollar a inclui hungadornan notable manera e estrellanan di e ekipo di Ultimatebet manera Annie Duke, Phil Hellmuth y otro exitoso participante di e torneo.

Den añanan anterior, estrellanan di Hollywood manera Ben Afleck y Jennifer Tilly tabata invitadonan special na e torneo na Aruba.

E promer premio di $774,960 di e UltimateBet 2006 Aruba Poker Classic a wordu gana pa e futuro estrella di Poker Devon Miller. Miller su estrategia durante e torneo tabata increíble, mustrando confiansa y ablilidad.

Un hungador nobato Brian Gabrielle a wordu premia e titulo di “Pro for a Year” después di su éxito durante e torneo cu base na Aruba. E hungador nativo di Canada a hunga cu hopi abilidad durante henter torneo y lo carga e titulo di profesional durante full un aña te ora cu na 2007 e tin cu bin e torneo na Aruba pa defende su titulo.

UltimateBet ta invita tur jugadornan di Poker pa haya un oportunidad pa participa na e Aruba Poker Classic 2007, nan por gana un asiento “online” door di participa na e “Ultimate Free Roll.

Pa mas información, click http://www.ultimatebet.com/pr/aruba-classic

Esaki lo wordo transmiti Diadomingo awor.

Oranjestad,—Recientemente tabata na Aruba e celebridad Hulandes, Chris Zegers hunto cu e ekipo di televisión di e programa di viahe numer 1 na Hulanda pe ultimo 4 aña, esta RTL Travel Hotlist. E programa aki tin un audiencia di 600.000 televidente pa episodio cu ta varia entre 25 pa 45 aña.

ATA a ricibi e grato noticia cu e programa ta completamente edita y ta cla pa wordo transmiti dia 25 di Februari pa loke ta trata e parti luhoso y dia 25 di Maart pa loke ta trata e parti tradición y culinario. Tur cu tin familiares na Hulanda por informa nan encuanto di esaki y asina nan por aprecia un tiki di e calor di Aruba.

Kiko lo ta e structura di e programa:
E programa lo cuminsa cu Chris, preparando pa bin Aruba, mientras cu den background caba nan ta bay mustrando diferente toma nan di Aruba. Chris lo duna varios tips importante pa e bishitante cu yega Aruba di bishita. Por ehempel envez di usa su cellular pa hasi yamada, e ta cumpra un karchi di telefon y asina e ta mustra con bo por economisa durante bo vakantie. Tambe e ta enfoca ariba e parti culinario di Aruba y ta combersa cu algun piscado kendenan ta mustre con pa prepara e “Catch of the day”. Tambe e ta splica encuanto di Aruba su specialidad nan culinario y ta conta cu e ta bay come cabrito cu pan bati.

E filmacion a tuma lugar tambe na diferente parti di nos isla manera California Lighthouse, Kapel di Alto Vista, Bushiribana y Casibari. E casnan den forma di cas tipico di Aruba situa na Calabas a sirbi tambe como “background” di e seccion di tradición.
Alaves a laga e ekipo filma den centro di Oranjestad como lugar colorido cu tiendanan luhoso pa asina mustra e turista Europeo cu na Aruba tambe tin tienda di marcanan exclusivo.

Parti luhoso di Aruba:
E grupo a usa Renaisance Aruba Resort pa ilustra e parti luhoso di Aruba. E ekipo completo a hospeda na Renaissance Aruba Resort caminda nan diferente filmacion a tuma lugar tanto na e resort, na Seaport Marketplace y e riba e isla priva di Renaissance.

E bishitante nan a sinti sumamente honra cu e reconocimento aki

Oranjestad,- Recientemente Aruba Tourism Authority a honra Sr. John y Sra. Sharon Outhwaite como huésped nan distingui pa e isla di Aruba, kende nan tin 16 ana bishitando nos isla. Na e mesun momento, ATA a honra Sr. Siu-Chin y Sra. Elizabeth Chan como Embahadornan di Bon Boluntad, celebrando nan di 20 ana consecutivo bishitando nos isla. Nan keda sumamente contento cu e reconocimento aki y alaves a expresa cu Aruba su hendenan, e klima y e trankilidad cu ta reina ta loke ta pone bolbe. Sra. Nathalie Maduro, PR. Liaison pa Aruba Tourism Authority a hasi entrega di e certificado nan den presencia di Sr. Griffith, GM pa Divi Village y demas ejectivonan di Divi Village y a gradici ambos pareha den nomber di Gobierno di Aruba pa nan sostén pa cu Aruba.

Ambos a expressa cu manera cu nan a pone pia ariba nos isla 20 ana pasa nan a keda encanta

Oranjestad,- Recientemente Aruba Tourism Authority tabata tin e grato placer di honra Sr. Josephine Perrotta y Sra. Evelyn R. Costantino como Embahadornan di Bon Boluntad pa e isla di Aruba. Ambos a expressa cu manera cu nan a pone pia ariba nos isla 20 ana pasa nan a keda asina encanta cu nan a dicidi di cumpra nan siman pa asegura cu nan por bolbe bek tur ana.

Ambos a keda sumamente contento cu e reconocimento aki y a gradici tanto ATA como e Gerencia di La Cabana pa e bunita gesto aki. Sra. Nathalie Maduro, PR. Liaison pa Aruba Tourism Authority a hasi entrega di e certificado nan den presencia Sra. Ena Vrolijk, representante di La Cabana y a gradici ambos señora den nomber di Gobierno di Aruba pa nan sostén pa cu Aruba.

Nan tin 20 aña consecutivo cu nan ta bishitando nos isla

Oranjestad—Na Marriott Resort & Stellaris Casino recientemente a honra Sr. Dicky y Sra. Boyke Deumer como Embahador di Bon Boluntad. Gobierno di Aruba a duna reconocimento na e pareha Deumer pa nan 20 aña consecutivo cu nan ta bishitando nos isla.

E pareha Deumer ta residencia na Ontario, Canada, pero nan ta Hulandes di nacimento y for di aña 1951 nan a immigra na Canada. E pareha a keda masha contento di a ser honra pa gobierno di Aruba. Nan a relata cu nan promer bishita na Aruba tabata na aña 1987. For di temporada ey, nan ta bishita Aruba hasta dos vez pa aña. Marriott Resort ta e hotel unda e pareha a hospeda e ultimo 10 aña.

A ser comenta cu nan tin un sitio aparta pa tuma solo y por menciona cu Sr. Dicky Deumer tin hasta hopi suerte den e casino di Marriott. E pareha Deumer a expresa cu nan ta gusta entre otro e clima y solo di nos isla, e atmosphera cariñoso, cu Aruba ta un isla Hulandes liber di crimen, y sigur e hospitalidad cu ta ponebo sinti semper na cas.

Sr. Castro Perez, representante di ATA tabata presente pa duna un discurso y gradici e pareha pa nan lealtad y aprecio demostra na nos isla, esaki tabata den presencia di e staff di Marriott Resort.

Nan tin mas di 17 aña consecutivo ta bishita nos isla.

Oranjestad, - Diamars ultimo tabata e occasion special pa honra un pareha como Bishitante Distingui na Marriott Aruba Ocean Club. Sr. Ronald y Sra. Linda Goldberg a ser honra pa Aruba Tourism Authority, pa motibo cu nan tin mas di 17 aña consecutivo ta bishita nos isla. E pareha Goldberg ta procedente di Harrisburg, Pennsylvania y nan promer bishita na Aruba tabata na aña 1990.

E pareha Goldberg a comenta cu e motibo principal cu nan ta bolbe Aruba tur aña ta pa e hendenan cariñoso di Aruba, pero tambe pa e clima, e excelente restaurant, beach y un tremendo isla pa relax. Den presencia di e staff di Marriott Ocean Club, Sr. Castro Perez, representante di ATA a presenta e respectivo certificado y a duna un discurso cortico pa gradici e bishitantenan pa nan lealtad y aprecio demostra na nos isla.

Prsente pa e ocacion aki, tabata Sr. Orlando Vrolijk, Guest Relations Manager, Sr. Castro Perez, representante di ATA, Sra. Linda y Sr. Ronald Goldberg y Sr. Perry van Dongen, Front Office Manager.

Recientemente, Señores Violet Lickness, Ken y Gerola Scholl, Girolama Y Filippo Mannino, Lisa y Rene Mathieu a wordo honra como huesped distingui di Aruba , como tambe Rosalie y Frank Lo Piccolo, Margit y Donald Wybenga y Shirley y Bob Werner kende nan a wordo honra como Embahador di bon boluntad pa e isla di Aruba.

E acto di entrega a tuma lugar na La Cabana Resort, e hotel unda nan ta hospedando. E pareha nan aki tin mas cu 10 aña consecutivo ta bishitando nos dushi isla di Aruba, nan a bishita varios destinacionan rond di mundo y semper a considera Aruba como e number un.

Tambe nan a comenta cu Aruba ta nan di dos cas y un di e motibonan pa cual nan ta bin bek tur aña ta pa nos hendenan amabel, hospitalario y tambe pa e seguridad cu ta reina na e pida baranca aki. Nan a trese diferente famia y amistades den transcurso di añanan pa asina nan tambe por sera conoci cu e paraiso Aruba.

Presente tawata representante Ena Vrolijk y Betty Colman di La Cabana Resort como tambe Rayon Koolman, respresentante di Direcion di Turismo.