Oficina di Aruba Tourism Authority – Europe a ser nomina un biaha mas como un di e mihor oficina turismo di Hulanda pa ReisRevue, e trade magazine mas grandi di Hulanda!

Oranjestad, 17 di Januari,2007. E oficina di Aruba Tourism Authority – Europe a participa un biaha mas na e bolsa turistico mas grandi di Hulanda, esta De Vakantiebeurs cu un stand, musica y un show Carnavalesco.
Ajera a cuminza na Utrecht e bolsa di turismo mas grandi di Hulanda y e aña aki atrobe Aruba ta presente cu un stand.
Un total di 135,768 persona a bishita e feria y espectativanan ta musta hopi positivo basa riba e tendencia cu e Hulandes ta interesa cada bes mas den haci viahenan mas lew y tambe, hopi importante, mas lujoso.

Stand di Aruba:
ATA a estrena un stand nobo presentando aspectonan mas bunita di Aruba. Tambe a dicidi di bin cu un show carnalesco cu musica en vivo y bailarinnan bunita disfrasa. Esaki a hala hopi atención di esnan presente y e stand di Aruba tabata bon bishita. Potretnan grandi di un mata di aloe, un boto di piscado riba e bunita lama blou etc, ilumina cu spotlights a jama atención na e stand.

Reunion cu tour operador:
Un di e motibonan importante pa Aruba Tourism Authority ta presente na e ferianan aki ta pa reuni cu e touroperadornan pa asina stimula mas benta pa Aruba. Durante Vakantiebeurs, Area Director pa ATA-E, Humprey Vrolijk a topa cu Thomas Cook, TUI, Maduro Travel, Does & Cadushi y OAD. Nan pronostico pa Aruba ta sumamente positivo y hasta Thomas Cook a cuminsa bende Aruba y lo hinca Aruba den nan programa atrobe después di 7 aña.
Den e proximo siman OAD lo cumins pasa comercial na televisión promocionando Aruba.

Reunion cu Martinair:
Sr. Vrolijk a provecha pa reuni cu ehecutivonan di Martinair pa asina discuti e plannan di mercadeo mutuo. Manera ta conosi, Martinair lo cuminsa bula pa Aruba atrobe desde prome di April 2007 cu un vuelo semanal y esaki ta resultado di e demanda creciente cu tin pa Aruba.

Otro bon noticia ta cu e oficina di Aruba Tourism Authority – Europe a bolbe ser nomina como un di e miho oficina di turismo na Hulanda pa e revista ReisRevue, cu ta e trade magazine mas importante.

Area Director ATA-E, Sr. Vrolijk ta mira bek riba un participación exitoso di Aruba na Vakantiebeurs; un gran cantidad di bishitante y hopi interes di parti di e consumido como tambe di e touroperador y di prensa ta haci cu Aruba lo por mira un crecimento notable for di Hulanda den 2007.

Aruba lo ta den e programa di viahe number 1 cu lo enfoca riba e parti luhoso como tambe e parti di tradición di Aruba.

Oranjestad, 24 di january—Recientemente tabata na Aruba e celebridad Hulandes, esta Chris Zegers hunto cu e ekipo di televisión di e programa di viahe numer 1 na Hulanda pe ultimo 4 aña, esta RTL Travel Hotlist. E programa aki tin un audiencia di 600.000 televidente pa episodio y tamas mira pa personanan entre 25 pa 45 aña.
E programa lo ta den aire dia 25 di Februari pa loke ta trata e parti luhoso y dia 25 di Maart pa loke ta trata e parti tradición y culinario.

Filmacion di Aruba como destinacion turistico:
Desde un principio, e idea tabata ta filma dos seccion specifico riba Aruba, esta e parti luhoso y e parti di tradición di Aruba y a escohe e parti culinario basa riba e research cu nan mes a haci tambe.
E parti interesante ta na momento cu Chris Zegers a haci un filmacion na Nos Cunucu restaurant como tambe na diferente restaurant na Seaport Marketplace pa asina demostra cu na Aruba tin un variedad grandi di restaurant cu ta ofrece cuminda tanto crioyo y internacional.

Filmacion a tuma lugar tambe na diferente parti di nos isla manera California Lghthouse, Kapel di Alto Vista, Bushiribana y Casibari. E casnan den forma di cas tipico di Aruba situa na Calabas a sirbi tambe como “background” di e seccion di tradición.
Alaves a laga e ekipo filma den centro di Oranjestad como lugar colorido cu tiendanan luhoso pa asina mustra e turista Europeo cu na Aruba tambe tin tienda di marcanan exclusivo.

Parti luhoso di Aruba:
E grupo a usa Renaisance Aruba Resort pa ilustra e parti luhoso di Aruba. E ekipo completo a hospeda na Renaissance Aruba Resort caminda nan diferente filmacion a tuma lugar tanto na e resort, na Seaport Marketplace y e riba e isla priva di Renaissance.

Hyatt Regency Aruba Resort & Casino y Sunset Grill Restaurant di Radisson Aruba Resort & Casino a resulta di ta “The Best” den nan categoria

Oranjestad, December 13, 2006– Tur aña Caribbean Travel & Life ta publica su readers’ choice awards, cual ta basa riba un encuesta cu nan ta haci entre nan lectornan. E lectornan ta escohe e isla di Caribe cu nanta haya e mihor den e diferente categorianan manera, e miho destinacion, mas romantico, restaurant shopping, hotel etc. E resultado di esaki ta ser publica como The Best Of The Caribbean 2006 den e edicion di November.

Aruba a sobresali den e siguiente categorianan:
• Best Hotel/Resort: Hyatt Regency Aruba Resort & Casino!
• Best Restaurant: Sunset Grille di Radisson Aruba Resort & Casino
• Friendliest People: Aruba a sali na di 3 lugar
• Best beach: Palm Beach Aruba a sali na di 4 lugar
• Best All-Inclusive Resort: Tamarijn Aruba Resort a sali na di 5 lugar
• Best Resort for a wedding: Radisson Aruba Resort a sali na di 6 lugar
• Best Large Hotel: Radisson Aruba Resort a sali na di 5 lugar
• Best Family vacation Resort: Divi Aruba Resort a sali na di 7 lugar
• Most Romantic Resort: Bucuti Beach Resort a sali na di 5 lugar
• Best Resort Golf: Tierra del Aruba a sali na di 7 lugar
• Best Resort Casino: Hyatt Regency Aruba a sali na 2 lugar
• Best Local Food: Aruba a sali na di 6 lugar
• Best “Bang for your buck” resort: Bucuti Resort a sali na di 5 lugar
• Best Happy Hour: Amsterdam Manor Resort a sali na di 5 lugar.

Aruba a sa di conkista e curazon di e lectornan di Caribbean Travel and Life y
pa medio di esaki ATA kier a felicita e pueblo di Aruba cu nan logro, i muy especial na Hyatt Regency Aruba Resort & Casino, Radisson Aruba Resort & Casino &Sunset Grill restaurant. E hecho cu Aruba ta ofrece un tremendo producto turistico na nos bishitantenan y ta brinda nan e amabilidad y cordialidad pa cual Aruba ta conoci pe, a resulta awe positivamente pa nos isla.

Como ciudadano, nos tur tin e responsabilidad di contribui positivamente na e bienestar di nos turismo. Hunto nos tur por haci di Aruba “ Un lugar dushi pa biba cu ta haci un lugar dushi pa bishita”. Pabien na tur cu a gana den nan categoría y /o a ser nomina.

Meta di reunionnan ta pa forma un base di cooperación pa yega mas cerca di un plan strategico integral den futuro basa riba e pensamento “ un Aruba dushi pa biba ta un Aruba dushi pa bishita”.

Oranjestad, November 2006. Como parti di e plan di maneho di Aruba Tourism Authority pa 2006 – 2010 a tuma e iniciativa pa organisa tayer/presentacion na cual diferente departamentonan di Gobierno a ser invita pa participa.

“Turismo di Aruba y e producto turistico di Aruba, ta wordo influencia door di maneho di tur departamento, comunidad y sector priva, y na su turno turismo tambe ta influencia e producto Aruba. Tur departamento, ariba nivel di director, a presenta nan plan di maneho como tambe projectonan y puntonan di atención pa asina saca afor cual ta e plataformanan cu por ser crea y cual integración di maneho cu por resulta,” asina Myrna Jansen, Director di ATA a informa.

Participantenan invita pa e promer tayer ta inclui Departamento di Asuntonan Economico, DIP, IASA y DIMAS, CBS, Departamento di Cultura/Instituto di Cultura, Directie Arbeid, DOW y Departamento di Asuntonan Social seccion “slachtoffer hulp”. Cada un a duna un presentacion di mas o menos 30 minuut sigui pa un seccion di pregunta.

E iniciativa di ATA a ser masha bon ricibi y aplaudi pa tur participante. A keda demostra cu tin hopi bon información pa comparti entre e diferente departamento y tambe a sali na kla cu tin mas oportunidad pa traha hunto y forma synergianan. Tur presente a sinti e necesidad pa traha hunto y a wak beneficionan den e idea pa crea plataformanan cu e departamentonan concerni.

E pensamento “un Aruba dushi pa biba ta un Aruba dushi pa bishita” ta enfoca principalmente riba e producto Aruba y no ta conta solamente pa turista sino pa nos mes como habitantenan di Aruba.

E idea ta pa sigui cu e reunionnan entre e diferente departamento pa asina crea mas sinergia, mas integracion pa contribui asina na un maneho integral.

E proximo reunion lo ta entre e departamentonan cu ta resorta bou di e Ministerio di Turismo & Transporte.
Den transcurso di tempo, Aruba Tourism Authority lo invita otro departamentonan pa atende y participa activamente pa

Travelworld, e lider den benta di Aruba na Belgica a organiza un tremendo tayer.

Oranjestad, November 2006: Recientemente a tuma lugar un exitoso tayer na Belgica na unda 120 participante di varios agencia di viahe di Caribe a participa. Destinacionan invita pa duna presentacin ta Curacao, Barbados, Santo Domingo, Jamaica, Martinique como tambe Aruba.

Meta di e tayer tawata pa duna tur participante e informacion necesario di Aruba pa asina juda fortalece e posicion den e mercado di Belgica y tambe promove mas benta posibel.

Representante di Aruba Tourism Authority, Sr. Tirso Tromp, a duna un presentacion extenso di Aruba.
Otro representantenan di Aruba tabata Sr. David de Smit di Renaissance Aruba, Hetty Grote di Divi & Tamarijn All Inclusive, Sr. Marco Becker di Keis & Caribbean Resorts, Sra. Helleen Bruggeman, representante di Interreps, Sr. Jeroen Niesse di La Cabana Resort, Sr. Edgar Roelofs di Manchebo Beach Resort & Spa como tambe Sr. Jeroen van Pampus, representante di ARKEFLY.
Arkefly a demostra na e participantenan con pa book nan vuelo pa Aruba via nan compania locual cu e agentenan a aprecia masha.

“Aruba por mira bek na un tayer exitoso,” Tirso Tromp di ATA a duna di conose. “E hecho cu ArkeFly a join Aruba su esfuersonan pa stimula mas benta, a cai den bon tera cerca e agentenan.” E tayer aki , organisa pa e lider di benta pa Aruba na Bélgica, lo sirbi pa consolida e posición di Aruba y lo stimula benta sigur.”

E programa a ser dividi den 5 tayer pa asina cada participante por haya e atención debido di cada destinacion y tuma lugar riba henter un dia.

Adhunto tin algun imagen di e tayer.

E campaña promocional aki, na un valor di casi 70,000 pond, ta inclui 75 taxi di London como tambe publicidad den revistanan di trade y pa consumidor.

Oranjestad, November 7, 2006. Aruba Tourism Authority a lanza e campaña promocional pa winter 2006 durante WTM – e bolsa turistico mas importante di Europa, treciendo asina e mensahe One Happy Island pa medio di un caravana di taxi cu tin e promocion di Aruba riba nan. E taxinan aki tabata para na ExCel e centro di conferencia den cual WTM ta tuma lugar.

E campaña promocional aki, na un valor di casi 70,000 pond, ta inclui 75 taxi di London como tambe publicidad den revistanan di trade y pa consumidor. E campaña ta ilustra e beachnan blanco di Aruba cu un tagline cu ta bisa “ The happiest island in the Caribbean, Just a few smiles away”.

Segun Minister di Turismo & Transporte, Edison Briesen, “ Nos ta entusiasma pa sigui bai dilanti den e Mercado Ingles ya mi ta di opinion cu Aruba ta e destinacion perfecto pa bishitantenan di Inglaterra y e campaña publicitario nobo aki lo stimula nos esfuersonan pa haci e trabou bon”.

Segun e representante di Aruba Tourism Authority, Joanna Freezer, “ E tema di e campaña aki ta un diseño basa riba e exitoso campaña di 2004 cu a yuda pa aumenta e trafico pa Aruba durante e temporada di winter crece cu 30% aña pasa.”

Adhunto tin varios potret cu ta ilustra e campaña como tambe un potret di e delegacion di Aruba cu ta atendiendo WTM encabesa pa Aruba Tourism Authority:
• Frits Israël, Marketing Director, Aruba Tourism Authority
• Humphrey Vrolijk, Area Director Europe, Aruba Tourism Authority
• David de Smit, Renaissance Aruba Resort and Casino
• Marco Becker, Director, K.E.I.S & Caribbean Resorts
• Sander Langeveld, Sales Manager, Interreps
• Lydia Haveman, Director, Interreps
• Amy Ras-Speyer, Director of Marketing for Europe and Latin America, AHATA
• Edgar Roelofs, Manchebo Beach Resort & Spa

Cu e campaña aki, ademas di tur nos otro formanan di mercadeo na Inglatera, nos ta spera di por yena e dos charters nan otro aña”, asina Myrna Jansen-Feliciano, Directora di Aruba Tourism Authority a duna di conose.

Desde 8 di mei pa 23 di October 23, 2007, Aruba lo conose un di dos charter cu e compania First Choice. Desde 2004, FC ta bulando Aruba cu un charte for the London Gatwick Airport y basa riba e éxito aki, na 2007 lo añadi un di dos vuelo charter for di un otro aeropuerto esta Manchester International Airport.

Esaki ta nifica cu lo tin dos vuelo for di Inglatera pa

Oranjestad, 13 di October, 2006. Aruba Tourism Authority y First Choice ta anuncia e di dos vuelo for di Inglaterra pa Aruba. Cuminzando di Mei 08, 2007 te cu 23 di October 2007, First Choice lo ta añadiendo un vuelo for di Aeropuerto Internacional di Manchester. E charter di First Choice lo bula directo pa Aruba den nuebe ora y 45 minutes. E vuelonan desde Manchester ta continuación di e éxito di e vuelonan charter di e touroperator First Choice saliendo for di London-Gatwick Airport. E vuelonan aki a cuminsa na aña 2004.

“Durante e añanan cu a pasa e demanda pa vakantie pa e islanan den Caribe a subi substancialmente for di e area di Manchester y ofreciendo Aruba como un alternativa nobo den e ya conosi islanan Caribense ta haci nos destaca mas. Ademas, First Choice tin hopi aña caba ta apoyando Aruba y e popularidad di e vuelonan saliendo for di Gatwick ta asegura nos cu Aruba lo ta popular tambe pa e hendenan di North-west di Inglaterra”, según Sr. Humphrey Vrolijk, Area Director Europe pa Aruba Tourism Authority a duna di conose.

Vuelo y paketenan di First Choice pa Aruba:
E vuelo charter desde Manchester y Gatwick lo basa riba un pakete di 14 dia.
First Choice ta ofrece pakete na diferente hotel entre otro, Brickell Bay Beach, Holiday Inn Sun Spree, La Cabana All Suite Resort, Tamarijn Aruba Beach Resort y Occidental Grand Aruba.
Vuelonan lo wordu opera door di First Choice su mesun avion Boeing 767 cu lo estrena nan Star Class, cu ta un tiki mas caro y ta ofrece mas espacio y tambe cu un selección di cuminda superior incluyendo bebida gratis cu pantalla di televisión individual y por escohe entre 30 canal di television y video según bo deseo. Pa mas información tocante First Choice bishita www.firstchoice.co.uk/aruba.

E mercado Ingles a crece cu 9.03%, casi 3000 pasahero, entre Januari y Juni 2006 compara cu mesun periodo na 2005. E vuelonan adicional lo cream as atencion pa Aruba y lo brinda tremendo oportunidad pa crecemento turistico for di Inglaterra.

2007 ta mustra di ta un aña bon pa turismo Europeo

Oranjestad, 4 di October: Recientemente Aruba Tourism Authority a participa na un exitoso caravana turistico organisa TUI Suiza, cual ta e un di e touroperator mas grandi y importante na Europa, conhuntamente cu AHATA y algun di su miembronan. E caravana turistico a tuma lugar for di September 25 pa 29, 2006.

Zurich, Dialuna, September 25, 2006:
Reunion cu Kouni: grupo a jega Zurich na unda na a reuni cu e product Manager, Sandra Bustabad di Kuoni. Kuoni ta hopi interesa di engrandece nan relacion pa cu e mercadeo di Aruba cu ATA y AHATA.
ATA a recomendanan pa nan adapta y aplica e strategia cu ATA a usa na Belgica cu JETAIR door di pasa e film di Aruba riba nan vuelonan charter y alavez a agrega Aruba den nan in-flight magazine. A keda dicidi cu na ITB 2007 lo presenta e plannan final.

Reunion cu Carib Tours:
ATA y AHATA a reuni cu Carib Tours y alavez tabata tin e oportunidad di haci un presentacion pa nan staff di reservacion. Alavez tabata tin un conversacion cu e Product Manager, Nancy Atzenweiler y e Head of Purchasing, Renata Walker. Aruba ta produciendo hopi bon y KLM ta apoya e mercado pa Aruba. Na January 2007, ATA lo duna otro presentacion interno net prome cu e feria turistico “FESPO Zurich Consumer show” na cual Aruba lo tin un stand disponibel banda di esun di Carib Tour. Lo produci flyer y pakete especial.

Reunion cu Flextravel:
Flextravel ta parti di TUI Suiza cu ta considera e seccion di turismo. Aki e delegacion a topa cu cu Paul Heimo, Cornelia Schmid, Manager di Sales & Operation The America’s y Andre Eisele, Product Manager. Nan a cuminsa cu un campaña nobo publicando Aruba den nan catalogo nobo y ta sinti cu turismo di Aruba lo bai ta mas mihor den 2007. ATA lo haci presentacion interno pa nan na 2007.

Nochi Arubano pa TUI Suiza:
Anochi TUI Suiza a organisa un presentacion y dinner buffet pa su miho. Rita Morozov di ATA Germany a duna un presentacion general di Aruba. Alavez tabatin un market place na unda cu tur representante di diferente hotel por a duna informacion y material. Animación musical tabata den man di “Aruba Hapy Family Band” bou direccion di Francis Jacobs cu a pone tur hende den ambiente Carnavalesco. E agentenan tabata tin oportunidad di gana premio jenando un encuesta referente e producto Aruba. E premio major tabata un vacacion di un siman na Manchebo y 2 ticket cu KLM cu a wordo otorga door di Koos de Wit, representante di KLM Suiza.

Munich y Nurnberg, Diaranzon 27 y Diahuebs, 28 di September
Na Munich y Nurnberg tabata tin e mesun programa cu e anoche anterior na Zurich. Akinan tambe Rita Morozov a duna su presentacion y alavez tabata tin e market place pa e hoteleronan. Un biaha mas e anochi a ser anima pa “Aruba Hapy Family Band” den ambiente Carnavalesco mientras cu e agentenan tabata tin e oportunidad di participa pa premio manera estadia na diferente hotel.

Hannover, Diabierna, September 29:
Na Hannover, e delegacion a reuni na oficina principal di TUI cu Steffen Boenhke, Director pa e region di Caribe. Ela indica cu Aruba ta mihor bendi entre tur e otro islanan chikito. TUI ta hopi contento cu e apertura di hotel RIU na 2007. Na final ATA y AHATA a duna un training na e agentenan di reservacion di TUI.

Delegacion di Aruba:
E delegacion di Aruba a consisti di Edgar Roelofs y Gerlinde Hofbauer di Manchebo Beach Resort & Spa, Katarina Giebelen di Divi & Tamarijn All inclusive, Mieke Bozic di Divi & Dutch Village, Helleen Bruggeman di Interreps, Rebecca Brock di Amsterdam Manor Beach Resort, Ewald Biemans di Bucuti Beach Resort & Tara Beach Suites & Spa, Rita Morozow di ATA Germany, Tirso Tromp di ATA Europe. Animación musical tabata na encargo di Francis Jacobs y Aruba happy Family Band.

Sr. Vrolijk ta sigui e pasonan di Sr. Rafael Estrada kende a baha cu pensioen.

Oranjestad, 22 di September 2006: Recientemente Sr. Carl Humprey Vrolijk a wordo apunta como Area Director di ATA Europa. Sr. Vrolijk ya kaba tabata Waarnemend Hoofd di ATA Europa.
Sr. Vrolijk ta sigui e pasonan di Sr. Rafael Estrada kende a baha cu pensioen.

Como Area Director pa Europa, Sr. Vrolijk lo ta responsable pa sigui desaroya Aruba como un destinacion vacacional preferi pa bishitantenan potencial den Europa.
“ Mi meta ta pa aumenta turismo Europeo pa Aruba, incrementa cuponan di avion y sigi logra un diversificación den e mercado di Europa”, asina e Director nobo a duna di conose.

Sr. Vrolijk tin un trayectoria largo na Aruba Tourism Authority . Después di a termina NHTV na 1995, ela cuminsa traha na oficina principal di Aruba Tourism Authority como Director of Strategic Marketing Information pa Europe. Después ela ser nombra como representente di Aruba como e Counterpart di e Project Director di DCTC na Alemania for di 1998 te cu 2000.
Desde 2000, e la fungi como Director di Marketing & PR na e oficina di ATA –Europa den cual funcion e tabata encarga cu tur actividad di promocion y mercadeo y tambe e plan strategico pa Europa.

Segun Director saliente Rafael Estrada, “E nombracion di Sr. Vrolijk ta trece continuidad den nos plannan strategico pa Europa. E tabata directamente envolvi cu tur desaroyo den e mercado y mi ta convenci cu elo sigi hiba Aruba padilanti na Europa.”

E exito di Aruba su industria turistico ta un tarea di cada un di nos cu ta biba y traha akinan.

Dia 27 di September 2006 ta un dia special, un dia di celebracion pa henter e comunidad Arubano kende activamente y positivamente ta contribui na e exito di e industria turistico di Aruba.

E historia di Aruba su industria turistico ta largo y bunita y ta data di añanan 50 cu apertura di e prome hotel riba Palm Beach y yamando bonbini na un gran cantidad di artista famoso di Hollywood di e tempo ey. Den transcurso di tempo, Aruba a bira un di dos cas pa un gran cantidad di bishitante, for di cual majoria di nan ta orguyoso di a ser reconoci como embahadornan di bon voluntad pa Aruba.

E exito di Aruba su industria turistico ta un tarea di cada un di nos cu ta biba y traha akinan. Aruba a destaca pa su hendenan y nan abilidad natural di por brinda hospitalidad genuino na nos bishitantenan.

Awe ta un bon dia pa para keto y aprecia con valioso nos contribucion individual ta pa Aruba su pilar economico principal. Laga nos cada un haci e compromiso pa tur dia traha cu dedicacion brindando lo miho den cada un di nos. Ta depende di cada un di nos pa mantene e reputacion e imahen di Aruba como un destinacion turistico preferi.

Masha danki, na cada un di boso pa boso profesionalismo, dedicacion, positivismo, contribucion y amor den e promocion di Aruba mundialmente.

Corda cu,
Un Aruba dushi pa biba, ta un Aruba dushi pa bishita!