News in Papiamento

Bishita Museo Arqueologico, Museo Historico y Schoenerhaven

Diamars dia 25 di Januari awor, Dia di Betico, lo bira un dushi dia pa pasa hunto cu famia y/ of amigonan na Oranjestad. Museo Arqueologico Nacional Aruba y Museo Historico Aruba lo habri nan salanan di exposicion gratuitamente pa asina pueblo di Aruba haya oportunidad di descubri e aventura den su historia rico. Alavez, publico por disfruta di e hungamento di boto miniatura na Schoenerhaven cual ta ser organiza pa Stichting Rancho riba nos dia di fiesta nacional.

(more…)

Oranjestad, Actualmente ta na Aruba e compania Cheap Caribbean Vacation ariba un invitacion di Aruba Tourism Authority y Aruba Hotel and Tourism Organization. Cheap Caribbean Vacation ta un di e promer 5 compania di viaje cu ta bende Aruba hopi bon mes. Recientemente Aruba a invita e compania pa bin sera conoci cu tur loke Aruba tin di ofrece y cu ultimamente ta nobo ariba Mercado. Cheap Caribbean a trece 7 di su mihor travel agentnan pa asina sera conoci cu nos producto Aruba mas di cerca. Un programa extenso a wordo prepara danki na Natalie Maduro y Francis Jacobs di departamento di P.R. di Aruba Tourism Authority y miembronan di AHATA. Danki na De palm tours cu a percura pa e transfer y Divi cu a percura pa nan accommodation. E travelagentnan aki ta acompanja pa un representante di Cheap Caribbean mes cu ta e conocido Sr. Greg Brown. Ariba e potret por aprecia Sr. brown cu e Agentenan y Sr. Jacobs cu a percura alavez pa e coordinacion durante e estadia di e grupo aki. E grupo ta consisti di sigiente personanan. Greg Brown, Susanne Eve Elliott, Elizabeth Anne Hutchins, Maxine Cammarata, Lauren Anastasia Hohmann, Elizabeth M West, Heather Fedelmia Aylward, Melanie Elizabeth See.

Aruba Tourism authority kier gradici tur miebro di AHATA y De Palm Tours cu a coopera y a haci e bishita aki posibel.

Ainda na 1941 Aruba y Bonaire a exporta mas cu tres cuart (¾) di e demanda mundial pa aloë.

Segun e mapa topografico di Werbata di 1912, Brazil tawata un cunuco cu plantacion di aloë. E famianan mas conoci den plantamento di aloë tawata famia Wever y Stamper. E famianan aki tawata tin e “fabrica” pa procesa e azeta di aloë na nan cas. Den e tempo ey nan no tawata hasi nada cu e gel di e aloë. E fabrica ta consisti entre otro di: forno, weya grandi koper y diferente tipo di cuchara. E trahadonan cu ta cushna e aloë hopi biaha ta biba den casnan chikito banda di e fabrica. Mainta trempan asina cu e cortado di aloë por mira e ta bai corta nan. E cortado ta bisti su cutisa, carson y camisa manga largo y un sombre. Pa e cuida su lomba e ta faha su mes cu e faha di wahiri.

Pa corta e aloë, e ta brasa e cabes di e aloë anto e ta pasa un cuchiu special pa corta e aloë. Esaki ta wordo corta na un sierto haltura di e blachi.

E cortado di e aloë ta hiba e cabes na un baki pa e azeta lek den un bleki. E bleki mas tanto ta mitar di un bleki di kerosin di 5 galon.

E ta corta aloë cu solo. Ora e ta corta aloë su señora ta trese cuminda pe te den cunucu. E mayoria di tempo e ta dedica na corta aloë. E cabesnan di aloë ta planta riba un rei y hopi biaha e cortado di aloë sa cuanto cabes por bin den un baki. E doño di e plantacion ta paga nan segun e cantidad di azeta. Nan ta carga e azeta pone den e halifat (halvevat) y nan ta hibe unda cu e fabrica ta. Eynan e ta bai wordo cushna.

Mas of menos pa 4’or di marduga e cushnado ta cuminsa cushna e aloë. Entre e 8 oranan e ta drei e azeta y e ta zorga pa kita e scuma cu ta bin halto. E mester zorg pa e azeta no basha over. E ta coi un caha, e ta pone papel diki den dje anto ora cu e azeta ta frieu e ta bash’e den e caha. Nan ta lage bira duro entre 3 pa 4 dia despues nan ta sera e caha.

E Wevernan den Brazil tawata tin un brik mara un poko pabou di Smal y nan ta hiba e cahanan di aloë pa transportanan den brik pa playa. Nan mes no ta exporta e aloë. Nan ta bendenan na comerciantenan cu ta export’e.

Na Brazil a planta aloë na gran escala. Pa un tempo largo aloë tawata e product mas exporta di Aruba. Ainda na 1941 Aruba y Bonaire a exporta mas cu tres cuart (¾) di e demanda mundial pa aloë. E parti mas grandi tawata bai pa industrianan farmaceutico na Estadonan Uni di Merca.

Compila pa Celia O. Thiel

Museo Arqueologico Nacional Aruba (MANA) a ricibi seis colaborador di investigacion for di Universidad di Leiden cualnan ta Prof. Dr. Corinne Hofman, Dr. Menno Hoogland, drs. Niels Groot, drs. Sjoerd Van Der Linde, drs. Hayley Mickleburgh y Dr. Sebastiaan Knippenberg. Hunto cu e Departamento Cientifico di MANA ta haciendo un estudio di diferente artefacto di e coleccion na Museo. Esaki ta den cuadra di e proyecto di investigacion di VICI “communicating communities” cu ta ser financia door di Organizacion Hulandes pa Investigacion Cientifico (NWO) y ta ser implementa door di e Facultad di Arqueologia na Universidad di Leiden.

E proyecto VICI ta investigando e red di interaction (interactienetwerken) pre-colonial den e ambito Caribeño. Pa cu esaki tambe ta ser examina e mobilidad di e prome habitantenan y tambe e intercambio di bienes y ideanan den e periodo entre 6000 P.C. te e yegada di e Europeonan. Den e estudio aki, ta ser considera cu antes e lama Caribe tabata fungi como autor principal pa por a comunica. P’esey e proyecto aki ta extende riba ful e region Caribe, incluyendo Antiyanan Menor y Mayor, sur di Caribe, costa di Guyana , Venezuela y Colombia y costa caribeño di America Central.

Un combinacion di metodo- y tecnicanan arqueologico, antropologico y cientifico lo ser uza pa por analisa y interpreta e obhetonan arqueologico. Un total di 12 investigador ta traha den un equipo riba tres sub-proyecto di cual lo haci investigacion di origen di materialnan di eskeleto humano, ceramica y litico. E relacion entre e sur di Caribe, especialmente e Islanan ABC y un parti di e continente di Sur America por surgi pa comprende mihor e importancia di e coleccion cu tin na Aruba .

E resultado di e investigacionnan aki por significa perspectiva- y pistanan nobo den cuadra di e relacionnan entre e islanan y tera firme den e tempo pre-colonial pa cu e arqueologia di Aruba. Diadomingo awor for di 10 or di mainta te cu 2 or di merdia Museo lo ta habri. Di 11 ‘or di mainta te 12 ‘or di merdia, Dr. Knippenberg y drs. Mickleburg di Universidad di Leiden lo ta presente y lo duna un presentacion na publico engeneral tocante nan investigacion realisa aki na Aruba.

Directie Aruba Cruise Tourism (ACT) atraves di su Directora, Tamara Waldron y Facultad di Turismo di Universidad di Aruba representa pa Dr.Ryan Peterson ta presenta e ‘C.I.A. – Cruise Industry Alliance’. E C.I.A., un   aliansa estrategico basa riba conocimiento y colaboracion pa asina crea un destinacion (crucero) mas competitivo y sostenibel.

E colaboracion aki lo trece cune un sin fin di oportunidad pa e facultad y e departamento gubernamental beneficia for di otro. E prome projecto ariba termino corto lo ta pa hasi un estudio, jama ‘Aruba Cruise Profile’ (ACP) 2010 cu lo analysa e caracteristicanan di e bishitante crucero pa tin un mihor comprencion di nan experencia y perspectivanan di e producto Aruba. Alaves lo enfoca con pa mehora calidad y apela na nan gustonan y nececidadnan atravez di publicidad y promocion.

Pa medio di e C.I.A., studiantenan di Facultad di Turismo lo tin e oportunidad di hasi nan pasantia na Aruba Cruise Tourism y gana experiencia den e ramo prome cu gradua. Na mes momento lo tin oportunidad pa personal di ACT sigi cursonan cu lo beneficia nan area di trabou y tambe mantene nan mes na e punto maximo di productividad.

Facultad di Turismo y Aruba Cruise Tourism ta comprometi pa traha conhuntamente pa posiciona Aruba como un destinacion di calidad, vital y sostenibel, cu ta crea futuro lidernan den nos industria, y cu ta traha na bienestar di nos comunidad.

E siman aki Aruba Marriott a organiza various actividad nan “ green” pa asociado nan y guest nan di hotel honrando e di 16 edishon di “ international earth day”. Riba diaranzon 21 di April e departamento di “grounds” di e 3 propiedad nan di Marriott a organisa nan  beach clean up di luna. E guest na di e hotel nan tawata invita pa join e clean up di e luna aki manera un aporte na e dia di tera, dunando un ora di nan vakantie pa asistí na hasi e beach mas bunita.

Marriott’s Ocean Club guests, Ms. Pat Aubin, Ms. Judy Spencer y  Ms. Monica Laramee, tres amiga di  Vermont y Kentucky, tawata entusiasma y contento di wak con Aruba Marriott ta mustra nan initiativa nan voluntariamente. “E ta un great idea pa involve e guest nan cu e tipo di actividad nan manera un beach clean up”,  Judy Spencer ta bisa. Hotel guests Mr. Jyoti y Mrs. Shashi Agrawal di New Jersey tambe a join e actividad aki y nan a hanja cu e tawata un manera masha util pa pasa nan delaster mainta di nan vakantie na Aruba riba beach na un manera un tiki diferente.

Riba Diahuebs 22 di April e  recreation department di e resort a organiza un caminata den riba beach gozando di e naturalesa Y pa e mucha nan, e Bon Bini Kidsa Club a traha hunto cu e mucha nan obra nan di man di materialnan recicla, tambe tawata tin pintamento, pintamento  di cara y di curpa. Hotel guest Lauren Grava (6) di Massachusetts a pasa hopi dushi trahando obra nan di man traha di materialnan recicla. E actividad nan  di dia pa e mucha nan tawata wak e pelicula divertido y educativo Pixar movie Wall-E, cu ta over di un robot chikito recicla. E mucha y nan mayornan a enjoy e peilicula  cu popcorn y bebida.

Den e delaster anja nan aki  Aruba Marriott tawata hopi atractivo den implementa initiativa nan “green” manera usa lusanan  LEDcu ta un temperatura limita programa thermostatico den e kamber nan, carbonnan recicla, speara papel y glas nan y usa aseta cushina pa crea bio diesel. Beach y limpieza di nos isla ta un “cornerstone” di e “Marriott Spirit to Serve our Communities” desde e compania a cuminsa traha na Aruba in 1995. Desde December 2009 e 3 propiedad nan di Marriott a implementa un beach clean up tur luna pa tur asociado nan.
Pa hasi mas uso di e producto nan recicla, Marriott a introduci e eco friendly tas nan, notebooks y copi nan recicla manera regalo pa asociado nan y relashon nan cu  cliente nan pa encorasha e pensamento “green”.
Marriott su Hotel Manager Louella Brezovar a duna e voorbeeld di mas mihor riba dia di tera di bisti un uniform recicla. Na cuminsamento e no tawata sigur con comfortabel e uniform aki lo ta . E la dicidi pa purba e carson cu a wordo traha di 25 botter recicla y pa ta honesto bo no ta sinti of wak un diferencia. Mi ta hopi entusiasma cu e iniciativa nan manera esaki Brezovar ta bisa.

Pa conclui e actividad nan di e siman aki ta bay organiza un projecto pa comminidad e Diasabra aki na Santanero Scouting Club na Dakota unda un grupo di asociado  lo bay volunta pa hasi un clean up.

Aruba Marriott Resort & Stellaris Casino tin 411 kamber – e mas espacioso riba isla –  cu un balcon priva hopi grandi cu e bista riba e awa nan di e lama  di caribe. Riba propiedad tin shete restaurantnan y cafes cu ta facilita diferente tipo di restaurant di casual pa elegante, e casino di mas grandi na Aruba, un 5,500 square spa, un pool cu waterval y un ‘health club’ cu ta ofrece diferente sorto di entertimento. E hotel luhuso den e hotel mes ta Tradewinds Club cu ta e adishon mas nobo na e beachfront resort aki. Pa hanja mas informashon jama Aruba Marriott Resort & Stellaris Casino at 888-PARADISE of bishita www.arubamarriott.com.

Riba 15 di februari, AAA N.V. a gana e prome premio pa “Excelencia den Mercadeo di Aerolinea” na Routes’ Americas Conference na Lima, Peru den e categoria Centro America y Caribe. AAA tabata riba e lista di nominado hunto cu  Panama City, Montego Bay, Curacao y Port au Prince.

E premio aki ta complimenta e premio di runner-up pa full e continente Americano cu Aruba a ricibi na 2009 y ta e di 4 biaha cu Aeropuerto di Aruba ta wordo nomina den 5 anja consecutivo durante e pemiashonnan di mercadeo anual otorga door di Routes/OAG. E awardnan ta basa riba e aprecio di e aerolineanan y ta raporta e capacidad y e asercamento di cada aeropuerto individual den nan esfuerso pa mantene y atrae servicio aereo.

“Despues di 4 nominacion y despues di ricibi e titulo di runner-up 2 biaha na 2007 y tambe 2009, nos a sinti cu e biaha aki si nos mester a bai cu ne. Esaki ta un tremendo exito pa nos ekipo di mercadeo y e ta mustra e aprecio di e aerolineanan pa nos asercamento consistente y pro-activo na nos partnernan principal di e industria. E nominacionnan y e premionan ta un manera hopi importante pa midi con nos ta para en comparacion cu e competencia, mirando cu awendia tur aeropuerto ta traha full swing pa complace e industria aereo,” asina Peter Steinmetz, managing director di AAA N.V. a bisa. “E ta importante pa mantene nos competitive edge.”

Den e potret por mira Head of Airline Marketing Peggy Croes orguyosamente mustrando e premio.