News in Papiamento

Riba 15 di februari, AAA N.V. a gana e prome premio pa “Excelencia den Mercadeo di Aerolinea” na Routes’ Americas Conference na Lima, Peru den e categoria Centro America y Caribe. AAA tabata riba e lista di nominado hunto cu  Panama City, Montego Bay, Curacao y Port au Prince.

E premio aki ta complimenta e premio di runner-up pa full e continente Americano cu Aruba a ricibi na 2009 y ta e di 4 biaha cu Aeropuerto di Aruba ta wordo nomina den 5 anja consecutivo durante e pemiashonnan di mercadeo anual otorga door di Routes/OAG. E awardnan ta basa riba e aprecio di e aerolineanan y ta raporta e capacidad y e asercamento di cada aeropuerto individual den nan esfuerso pa mantene y atrae servicio aereo.

“Despues di 4 nominacion y despues di ricibi e titulo di runner-up 2 biaha na 2007 y tambe 2009, nos a sinti cu e biaha aki si nos mester a bai cu ne. Esaki ta un tremendo exito pa nos ekipo di mercadeo y e ta mustra e aprecio di e aerolineanan pa nos asercamento consistente y pro-activo na nos partnernan principal di e industria. E nominacionnan y e premionan ta un manera hopi importante pa midi con nos ta para en comparacion cu e competencia, mirando cu awendia tur aeropuerto ta traha full swing pa complace e industria aereo,” asina Peter Steinmetz, managing director di AAA N.V. a bisa. “E ta importante pa mantene nos competitive edge.”

Den e potret por mira Head of Airline Marketing Peggy Croes orguyosamente mustrando e premio.

“Aruba a wordo bon representa pa un delegacion di profesional nan di turismo cu a sa di hasi un tremendo promocion pa Aruba den e mercado Spaño”

Aruba a participa recientemente na e prestigioso feria, FITUR 2010, cu ta un evento sumamente importante y conoci na Europa na Madrid, España. FITUR ta e di dos Feria Turistico di mas grandi na Europa y tur aña e apertura official ta wordo hasi door di su Alteza Real, Rey Juan Carlos, mustrando e importancia cu e show aki ta representa. Den e oportunidad aki, e ehecutivo nan di Aruba a wordo sorprendi na momento cu su Alteza Real, Rey Juan Carlos, a pasa dilanti e stand di Aruba cu tawata bunita decora cu varios potretnan y articulo nan di promocion, ilustrando tur e aspectonan bunita cu Aruba tin pa ofrece na su bishitante nan.

Según Sra. Glennie Tromp di ATA, kende ta encarga cu e mercado Spaño, “Aruba apesar di ta un isla chikito den Caribe, a sobresali un biaha mas cu e cantidad di participantenan cu a bishita e stand y busca información en cuanto di nos isla. Esaki ta demostra cu Aruba ta mantene su posición como un isla cu definitivamente ta birando popular den e mercado”. Aruba su stand a ser comparti conhuntamente cu Caribbean Tourism Organization, pero mustrando claramente cu Aruba su presencia na e evento.

Aruba no ta desconoci na Spañe, den pasado hopi promocion a wordo hasi pa asegura cu tur hende ta bon informa pa asina crea e gana pa biaha y bin pasa nan vakantie ariba nos isla. E demanda pa Aruba tawata asina grandi cu a bin e nececidad pa introduci un vuelo charter for di Madrid – Aruba algun tempo pasa.  Durante e evento, Aruba a haña various bishita di diferente operador, no solamente di Spanje pero tambe tawata tin interes di parti di esnan cu a bin di Latino America y tambe otro parti di Europa.

Adicionalmente durante e evento, e delegacion di ATA tabata tin un reunion hopi importante cu e compania aereo IBERIA-Spanje, ariba e posibilidad pa reanuda vuelo nan pa caribe. ATA ta spera cu pronto Aruba por ricibi e bon noticia for di e compania Spanjo y un biaha mas nos isla lo conta cu un vuelo for di Spañje.

Durante FITUR, e ehecutivo nan di ATA a provecha pa conversa tambe cu demas operadornan di otro pais cu tin potencial y a ricibi e bon noticia for di e operador mas grandi na Italia, cu muy pronto nan lo ta di bishita na nos isla.

Manera tur evento grandi a conta tambe cu e presencia di Prensa nan importante, manera BBC-London, Travel Quotidiano-Italie, Travel Trade Caribbean-Italie, Revista Mas Viajes-Spañe, Viajar con hijos-Spañe, Revista Buceadores-Spañe etc. Etc. y asina nos por menciona mas cu a bishita e stand di Aruba.

Hopi di e operador nan Spanjo a bishita Aruba su stand, pa asina busca mas informacion possible pa por bende e producto optimalmente. Mester agrega cu e operador nan na Spañe a expresa cu nan ta desea cu pronto Aruba lo haña un vuelo regular for di e pais pa asina nan po aporta mihor na e producto di Aruba y incentiva e mercado Spaño pa bishita Aruba y conoce kiko e isla por ofrece na nan.

Durante e feria, Aruba Tourism Authority Europe a wordo representa pa Sr. Humphrey Vrolijk, Director pa ATA Europa & Sra. Glennie Tromp, Marketing Liaison pa e Mercado Spaño conhuntamente cu e demas delegado nan di Aruba manera Sr. Sander Langeveld, Representante Westin Aruba na Europa, Sr. Raul Villagran & Sr. Marco Becker, Representante nan pa Holiday Inn Sunspree Beach Resort Aruba.

Foto’s ta ilustra diferente momento nan durante e evento.

“ATA ta sumamente contento cu e reaccion positivo di parti di e clientenan cu a participa na e seminario”

Recientemente, Aruba Tourism Authority  a ofrece un seminario importante, conoci como e Aruba Certified Expert Seminar pa un total di 23 cliente di e Centro di Rehabilitacion Sero Colorado. Esaki a forma parti di ATA su plan di concientización pa yuda mehora nos calidad di turismo den su totalidad. Den varios ocacion Aruba Tourism Authority a ricibi e pregunta, kiko nan ta hasi pa yuda e problema di adiccion cu den cierto ocacion ta conduci na situación nan peor cu ta afecta nos comunidad y turismo. Pa e motibo aki, ATA a propone na e Gerencia di e Centro Sero Colorado pa wak si nan ATA lo por presenta e seminario aki na nan cliente nan y asina concientiza nan encuanto di e importancia di nos turismo y con cada uno di nan por yuda Aruba su turismo di un manera positivo.

E “ACE certification seminar” ta encera tur informacion concreto di loke ta producto turistico di Aruba como tambe un splicacion kico ta e tareanan di  ATA pa asina tur persona por compronde con ATA ta funciona y kiko ta su responsabilidadnan pa promove nos turismo. E training aki  inicialmente tawata wordo duna na solamente na agentenan di viahe den e mercadonan cu ATA ta activo, pa asina nan lo por bende Aruba mas mihor. Pero na cierto momento e gerencia di ATA a sinti e necesidad pa duna un training cu lo mehora e calidad di servicio y alavez duna información importante pa asegura cu henter nos comunidad por duna información na un manera consistente. Pa e motibo aki, ATA a introduci e seminario aki pa henter e comunidad Arubano y ya tin un cantidad grandi di compania y organizaciónnan cu a participa na e seminario nan aki.

E seminario a tuma lugar na e centro mes y a wordo dirigi pa Sra. Nathalie Maduro conjuntamente cu Sr. Mario Arends, Ehecutivonan pa Aruba Tourism Authority. Mester remarca cu durante e seminario, e cliente nan a mustra un interes enorme den e seminario. Durante e seminario por a ripara cu varios di e clientenan ta persona cu ta conta anteriormente cu mas di 15 ana di servicio den e sector hotelero of di turismo y a comparti hopi información valioso cu tur presente durante e seminario.

Na final tur participante a hasi un examen cu resultado positivo y a ricibi un certificado como muestra di nan participación na e seminario. “Nos ta kere den un segundo oportunidad y awe nos di ATA a duna boso información importante cual boso por uza como un herment valioso pa cuminsa cu boso bida nobo di un manera positivo” tawata e mensahe nan cu cual Sra. Nathalie Maduro, a expresa na tur presente. Mientras cu Sr. Mario Arends, na su turno a gradici tur esnan presente y a desea nan hopi éxito cu e programa y pa futuro.

Aruba Tourism Authority pa medio di esaki tambe kier a gradici e gerencia completo y especialmente tur e clientenan pa nan atención y participación na e seminario aki y desea nan tur clase di éxito den futuro.

PERSONA DI CONTACTO:
Sra. Nathalie Maduro
Aruba Tourism Authority
Educational Manager
n.maduro@aruba.com
5823777 EXT 250

Riba Diasabra 9 di Januari 2010 Fundacion Salba Nos Burico ta bai tin nan di 5 caminata annual pa recauda fondo pa por mantene, alimenta y cuida nos buriconan.  E caminata ta 6 km cuminsando na Ayo Rock Formation 5pm.  Los bai tin un burico participando den e daminata.  E prijs pa inscripcion ta Afl-10/$6 pa persona cuminsando 4 pm na Ayo Rock Formation y ta inclui un regalito.  Juda nos hasi e caminata aki uno hopi grandi.  Pa mas informacion jama 593-2933.

“GUN JEZELF ARUBA a resulta e campaña ganador”

Algun tempo pasa, Aruba Tourism Authority Europa a hanja e grato noticia cu e campaña di Aruba GUN JEZELF ARUBA a ser nomina pa e Travelution Award 2009. Durante un ceremonia na Scheveningen Hulanda  recienitemente a anuncia e ganador absoluto cu e keda  e campaña di Aruba!.

E otro nominado nan tawata  South African Tourism, India Tourism, Holland America Line, Koln Bonn Airport, Martinair Holland, MSC Cruises, ANVR/Reiswerk. Na anja 2008 e ganador tawata Schiphol Group. Mirando tur e nomber grandi nan aki mester nota cu esaki ta un logro sumamente grandi pa ATA.

Campaña exitoso GUN JEZELF ARUBA:

E campaña Gun Jezelf Aruba a resulta di ta exitoso den tur aspecto. E tema a haci e algo special cu alaves a cai den bon tera cerca consumidor, profesionalnan di viahe y prensa. E imagen visual a tabata atractivo y “eyecatching”  specialmente den forma di  “out of home’  manera den abri’s y riba billboard banda di camindanan hopi trafica. E imagen enfoca riba un di aspecto na importante pa viaheronan HUlandes ora di bai vakantie, esta playanan blanco cu laman blou y ta ilustra tambe dos stoel bashi tresiendo asina e mensahe cu tin oportunidad pa  Gun Jezelf Aruba.

Travelution Magazine:

Travelution tin ja 10 anja riba mercado cu un edicion mensual. E miembrecia ta conta cu casi 10.000 professional di viahe cu ta usa e revista aki como referencia ora di bende un destinacion. Segun estudio hasi, Travelution ta wordo aprecia pa e bon informacion cu nan ta duna y e manera professional cu e revista ta wordo presenta.  E obhetivo di e revista aki ta pa enfoca destination nan di viahe dunando information actual. Travelution Magazine ta wordo publica 14 bes pa aña.

Ariba e potret nan por mira con Sr. Roy Hart, Regional Director Benelux ricibiendo e premio  for di un  ehecutivo di Travelution.

Click here:

Regalo complementario y unico di MVCI Sales Team

Riba November 18 y 19 e conocido Artista Elisa Lejuez a firma litografia di su obra di arte na Marriott su piso exclusivo cu jama Tradewinds Club. Sra. Lejuez su arte ta un regalo complementario pa e huespednan di Tradewinds Club. Tur e guestnan ey cu tuma un preview tour di Marriott Aruba Surf Club villa y cu cumpra un villa lo obtene lo obtene 2 obra di arte adicional, en total Sra. Elisa Lejuez lo firma tres litografia. E obra di arte local aki ta un regalo di Marriott Vacation Club Sales Team.

“Nos kier a hasi algo diferente pa un grupo unico di huespednan cu ta kedando riba Tradewinds Club.” Tradewinds Club tin e famoso nomber di ta un boutique hotel den Marriott y huespednan cu ta keda den Tradewinds Club tin amenity upscale y privilegionan. Nos a pensa un litografia di Elisa Lejuez ta un regalo cu ta pas pa Tradewinds su huespednan. Hasiendo e gesto aki nos ta  promoviendo un di nos artista local na e mesun momento.” Bettina Gonzalez Project Director di Marriott Vacation Club (MVCI) Sales Team a bisa.

Pa lansa e campanja di regalo di obra di arte aki di MVCI Betina Gonzalez a invita e artista local Lejuez pa ta presente den Tradewinds Club y hasie entrega di e obra di arte personalmente, como un toque special Lejuez a firma e litografia su mes.

“ Mi tawata contento y sorprendi cu MVCI a selecta mi obra di arte pa e campanja aki cu e huespednan di Tradewinds. E tres litografia cu nan a selecta ta basa riba un coleccion di pintura cu mi a crea specialmente pa Marriott. Mi ta spera di curason cu e huespednan special aki lo aprecia mi arte. E ta un souvenir di Aruba cu sigur ta algo di hiba cas.” Elisa ta aclaria.

E prome litografia den e serie di tres ta complementario pa e huespednan cu ta book nan estadia den Tradewinds Club. Sin nan inscribi pa un preview tour di villas nan lo ricibi e segundo obra di arte. E tercer obra di arte nan lo ricibi si nan cumpra un villa na Aruba Marriott Surf Club.

Aruba Marriott Resort y Stellaris Casino a renoba 411 camber, tur cu balcon priva y espacioso cu tin bista pa nos lama precioso di Caribe. Riba e propiedad tin 7 restaurant y café’s cu ta un combinacion casual y elegante, tambe nan tin e casino mas grandi di Aruba, cu un spa amplio, cu un pool cu waterfall y un gym grandi cu ta ofrese diferente diversion di entretenemiento. E hotel su mas nobo y mas upscale ta e Tradewinds Club, localisa den e top floor di e Resort. Pa obtene mas informacion bishita www.arubamarriott.com of www.tradewindsclubaruba.com

Colegio E.P.I. Sector di Hospitalidad & Turismo den cooperación cu EPB, Aruba Tourism Authority, Aruba Hotel and Tourism Association y tambe Aruba Gastronomic Association, ta den full preparación cu e organización di e proximo “Aruba Internacional Student Culinary Expo 2008”. E evento, lo tin como meta principal pa trece studiantenan tanto local como internacional hunto y asina expone nan expertisio den e ramo culinario. E comisión rganizador ta kere firmemente den incentiva nos hubentud especialmente den e sector turistico, kendenan lo ta e futuro profesionalnan den e industria aki. E skolnan cu lo participa na e evento aki ta  EPI y EPB(Aruba), FEFFIK(Curacao), SBO(Bonaire).

E programa oficial lo inicia dia 16 di Maart, 2008, na unda lo bay tin e apertura Oficial den e Collegezaal di E.P.I.. Después lo sigi un sesion di orientation y tambe lo bay tin unguest speaker, kende lo bay conversa encuanto di e industria aki y e beneficionan cu esaki ta trece cu ne. Después lo sigi cu e competencianan y tambe workshops. Durante ora di anochi, Aruba Tourism Authority & Aruba Hotel and Tourism Association lo organiza un recepcion di bon bini na honor di tur e studiantenan, nan mentornan, e huradonan internacional como tambe medionan di prensa tanto local como internacional. E huradonan internacional, lo ta Chef nan reconoci di e American Culinary Federation kendenan lo ta responsable pa saka e equipo ganador den e diferente categorianan.

E programa lo continua dia 17 di Maart cu otro dia di competencia y workshop. Después di esaki e studiantenan lo disfruta di un paseo cortico rond di Aruba pa asina yudanan kita un tiki di e tension di e competencia den un ambiente ameno. Durante parti di atardi, e grupo completo di studiante lo bay hasi un Back Of The House Tour & Dinner, cual lo encera tira un vista den e cushina na algun restaurant cu ta miembro di Aruba Gastronomic Association. Meta di esaki ta pa asina logra haña un impresión di con un cushina di un top restaurant na Aruba ta funciona. E atardi lo culmina cu un cena pa henter e grupo.

E dia importante pa tanto e alumnonan como tambe tur persona cu ta gusta purba bon cuminda, lo bira dia 18 di Maart, na unda for di 12:00 -5:00 PM, e studiantenan lo tin e oportunidad pa expone nan platonan na tur presente. Tambe lo bai tin diferente tipo di entretenimiento y e oportunidad di cumpra cuminda y bebida, en connecion cu e dia nacional aki, mezclando un tiki di nos cultura cu nos hubentud. E Culinary EXPO aki lo tuma lugar ariba e patio amplio di EPI Hospitalidad y Turismo. Esnan interesa pa tin un tent pa ofrecde na publico nan productonan ta mas cu bon bini pa participa.

Ariba e mesun dia aki, for di  8:00 PM en adelante, lo bay tin e grandioso “Awards Night” cual lo carga e nomber “A taste of Aruba” na unda publico en general por bin presencia e resultadonan di e competencia y wak cua equipo lo bira ganador absoluto di e grandioso premio cual ta e participación na e National Convention di e American Culinary Federation cu lo tuma lugar e aña aki na Las Vegas, Nevada. Pa yuda recauda fondo pa yuda e equipo ganador y continua cu e tremendo competencia aki, lo bende ticket di entrada pa e “Awards Night” na un valor di Afls 50,- p/p. Durante e anochi aki lo por disfruta di bebida y di diferente platonan ofreci pa entre otro e diferente prestigioso restaurant miembronan di Aruba Gastronomic Association.

E comisión organizador kier a tuma e oportunidad tambe pa gradici Tiarra Air, cu e prijs special cu nan a ofrece na e participantenan internacional, tambe na The Mill Resort, kende ta contribui cu e kambernan pa e huradonan di American Culinary Federation cu lo supervisa e competencia, y tambe e prensa local y internacional. Tambe un palabra di danki na Aruba Adventures cu nan Kookukunukoo Bus y tambe e gerencia di Coconut Inn, kende a ofrece un prijs hopi special na tur e studiantenan y nan familiaresnan.

Un biaha mas Colegio EPI, EPB, Aruba Tourism Authority, Aruba Hotel and Tourism Association y tambe Aruba Gastronomic Association kier tambe gradici un y tur cu te awor a duna nan aporte pa cu e evento aki.  Pa por hasi un evento di tal magnitud naturalmente ta rekeri e coperacion di industria en general. Pa e motibo aki si tin cualkier compania of organizacion cu kier contribui of aporta na e futuro generacion di nos industria di hospitalidad y turismo, of cu kier ricibi cualkier información di e evento, por tuma contacto libremente cu Sr. Ryan Maduro, Opleidingsmanager na EPI unidad Hospitalidad y Turismo na telefon 5258713, 5624924, of na e-mail rmaduro.epi@hotmail.com of aisce2008@hotmail.com

Recientemente a wordo honra na Casa del Mar Beach Resort; e pareha Hugh y Ruth MacKenzie, e senjora Doris Harreman cu e titulo di Embahador di Bon Boluntad, como cu nan ta bishitando nos isla pa mas di 20 anja consecutivo.

E pareha i e senjora aki ta bishitando nos isla desde anja 1978, durante e anja nan a invita hopi mas di nan amigonan pa bin bishita nos isla pa bin pasa nan vacacion.

Maritza Tromp Lacle di Aruba Tourism Authority a entrega nan e certificadonan y alavez a felicita nan & tambe a gradici nan pa nan lealtad demostra na nos isla pa asina hopi anja. Durante e ceremonia tawata presente Anthony Maduro, di Casa del Mar.

E motibonan principal pakiko nan ta asina fiel na nos isla ta pa; e clima, nos hendenan carinjoso; e hotel Casa del Mar, e variedad di cuminda bon cu Aruba ta ofrese, e dama nan ki ta bin Aruba tur anja pa cumpra joyas i nan ta hanja bon oferta na Aruba.